9. fundur
Íslandsdeildar Norðurlandaráðs á 148. löggjafarþingi
haldinn í Austurstræti 8-10, fimmtudaginn 21. júní 2018 kl. 12:30

Mættir:

Nefndarritari: Helgi Þorsteinsson

Bókað:

Farið var yfir helstu mál sem eru á dagskrá sumarfundar forsætisnefndar. Samstaða var meðal þingmanna um að styðja málamiðlunarlausn (merkt „C“ í minnisblaði skrifstofu Norðurlandaráðs) varðandi sameiginlega tillögu Finna og Íslendinga um að gera finnsku og íslensku að vinnutungumálum í Norðurlandaráði til jafns við skandinavísku málin, þó þannig að einingu Íslendinga og Finna í þessu máli yrði ekki stefnt í voða. Varðandi þá endurskoðun sem skrifstofa Norðurlandaráðs er að vinna að á fyrirkomulagi verðlauna Norðurlandaráðs var ákveðið að boða fulltrúa Norræna hússins á fund ÍNR fljótlega til að fara yfir málin.

Ákveðið var að boða menntamálaráðherra og samstarfsráðherra saman á fund Íslandsdeildar Norðurlandaráðs í haust til að fara yfir þetta mál.





Ritara Íslandsdeildar var falið að taka saman minnisblað um þátttöku Íslendinga í Þingmannaráðstefnu Eystrasaltssvæðisins (BSPC) meðal annars með yfirliti yfir alla fundi BSPC þannig að Íslandsdeild geti í framhaldinu tekið afstöðu til þess hvernig hún vilja haga þátttöku sinni í starfi BSPC.





Ákveðið var að setja á dagskrá fundar Íslandsdeildar með menntamálaráðherra og samstarfsráðherra í haust að ræða framlög til Norræna menningarsjóðsins. Norræna ráðherranefndin ráðgerir að skerða þau. Ritara Íslandsdeildar var falið að benda skipuleggjendum lýðræðishátíðarinnar Lýsu á Akureyri á að stjórnmálaflokkar hefðu líklega ekki fengið nægar upplýsingar um hátíðina.

Fundi slitið kl. 14:00