Fundur utanríkismálanefndar með forsætisráðherra Svartfjallalands
Fulltrúar úr utanríkismálanefnd Alþingis áttu í dag fund með Milo Đukanović, forsætisráðherra Svartfjallalands. Á fundinum var m.a. rætt um aðild Svartfjallalands að NATO, sem nú er í fullgildingarferli, Brexit og stöðu Evrópusamvinnunnar og öryggis- og varnarmál í austanverðri Evrópu.
Đukanović sækir Ísland heim í tilefni af því að tíu ár eru liðin frá því að stofnað var til sjálfstæðs ríkis Svartfjallalands. Ísland var fyrst ríkja til að viðurkenna sjálfstæði Svartfjallalands árið 2006.