stefnuræða forsætisráðherra og umræður um hana.
Nú flytur hæstv. forsætisráðherra stefnuræðu sína fyrir hönd ríkisstjórnarinnar og fram munu fara umræður um hana sem verður útvarpað og sjónvarpað héðan úr Alþingishúsinu. Umræðurnar skiptast í þrjár umferðir. Forsætisráðherra hefur 18 mínútur til framsögu en aðrir þingflokkar en þingflokkur forsætisráðherra hafa tíu mínútur í fyrstu umferð, í annarri og þriðju umferð hafa þingflokkarnir fimm mínútur hver.
Röð flokkanna er í öllum umferðunum þessi: Sjálfstæðisflokkur, Vinstri hreyfingin – grænt framboð, Píratar, Viðreisn, Framsóknarflokkur, Björt framtíð og Samfylkingin.
Ræðumenn fyrir Sjálfstæðisflokk verða Bjarni Benediktsson forsætisráðherra í fyrstu umferð, Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, í annarri umferð og Valgerður Gunnarsdóttir, 8. þm. Norðaust., í þriðju umferð.
Ræðumenn fyrir Vinstri hreyfinguna – grænt framboð verða Katrín Jakobsdóttir, 2. þm. Reykv. n., í fyrstu umferð, í annarri Ari Trausti Guðmundsson, 6. þm. Suðurk., og í þriðju umferð Rósa Björk Brynjólfsdóttir, 5. þm. Suðvest.
Fyrir Pírata tala Ásta Guðrún Helgadóttir, 3. þm. Reykv. s., í fyrstu umferð, Björn Leví Gunnarsson, 7. þm. Reykv. n., í annarri umferð og Viktor Orri Valgarðsson, 7. þm. Reykv. s., í þriðju.
Fyrir Viðreisn tala Benedikt Jóhannesson, fjármála- og efnahagsráðherra, í fyrstu umferð, í annarri Hanna Katrín Friðriksson, 5. þm. Reykv. s., og í þriðju umferð Jóna Sólveig Elínardóttir, 9. þm. Suðurk.
Fyrir Framsóknarflokk tala Sigurður Ingi Jóhannsson, 2. þm. Suðurk., í fyrstu umferð, í annarri Lilja Alfreðsdóttir, 9. þm. Reykv. s., og í þriðju umferð Sigmundur Davíð Gunnlaugsson, 2. þm. Norðaust.
Fyrir Bjarta framtíð tala í fyrstu umferð Óttarr Proppé heilbrigðisráðherra, í annarri Björt Ólafsdóttir, umhverfis- og auðlindaráðherra, og í þriðju umferð Theodóra S. Þorsteinsdóttir, 12. þm. Suðvest.
Ræðumenn Samfylkingarinnar verða í fyrstu umferð Logi Einarsson, 9. þm. Norðaust., Oddný G. Harðardóttir, 10. þm. Suðurk., í annarri og Guðjón S. Brjánsson, 8. þm. Norðvest., í þriðju umferð.