74. fundur
efnahags- og viðskiptanefndar á 140. löggjafarþingi
haldinn í Austurstræti 8-10, miðvikudaginn 23. maí 2012 kl. 10:00

Mættir:

Helgi Hjörvar (HHj) formaður, kl. 10:00
Birkir Jón Jónsson (BJJ), kl. 10:00
Guðlaugur Þór Þórðarson (GÞÞ), kl. 10:00
Lilja Rafney Magnúsdóttir (LRM), kl. 10:00
Lilja Mósesdóttir (LMós), kl. 10:00
Magnús M. Norðdahl (MN) fyrir MSch, kl. 10:00
Margrét Tryggvadóttir (MT), kl. 10:00
Skúli Helgason (SkH), kl. 10:00
Tryggvi Þór Herbertsson (TÞH), kl. 10:00

Nefndarritari: Eiríkur Áki Eggertsson

Bókað:

LRM vakti athygli á fundargerðum tveggja síðustu funda, nr. 72 og 73, sem sendar voru nefndarmönnum á tölvupósti í gær og lagði til að þær yrðu samþykktar. Engar athugasemdir voru gerðar og skoðast þær því samþykktar.

Nefndarmenn fengu tækifæri til að gera grein fyrir sjónarmiðum sínum í málinu.
Formaður bað nefndarmenn um að vera viðbúna því að taka málið til afgreiðslu.
Formaður tók einnig fram að von væri á minnisblaði Seðlabanka Íslands í dag og að í framhaldi af því yrði leitað viðbragða Persónuverndar eins og óskað hafði verið eftir á síðasta fundi.

Formaður gerði grein fyrir þeim tillögum til breytinga á frumvarpinu sem hann hyggst leggja til eða er með til skoðunar. Að því búnu gerðu aðrir nefndarmenn grein fyrir sjónarmiðum sínum í málinu. Formaður bað nefndarmenn um að vera viðbúna því að taka málið til afgreiðslu á fundi næsta þriðjudag.
Nefndarmenn lýstu vilja til að taka tillögu fjármálaráðuneytis til greina sem varðar tóbaksgjald.
Dreift var á fundinum viðbrögðum fjármálaráðuneytisins við athugasemdum umsagnaraðila við 5. gr. frumvarpsins.
Gerðar voru athugasemdir við 3. gr. frumvarpsins og í tilefni af því óskaði formaður eftir minnisblaði ráðuneytisins sem varðar þá grein.

Nefndarmenn ræddu málið og fengu tækifæri til að gera grein fyrir sjónarmiðum sínum. Formaður bað nefndarmenn um að vera viðbúna því að taka málið til afgreiðslu á fundi næsta þriðjudag.
Fram komu óskir um að fjármálaráðuneytið léti endurskoða kostnaðarumsögn fjárlagaskrifstofu ráðuneytisins sem fylgir frumvarpinu.
Einnig var óskað afstöðu fjármálaráðuneytisins til athugasemda í umsögnum er varða lokamálsgrein 5. gr. og 6. gr. frumvarpsins.
Dreift var á fundinum tillögum sem fjármálaráðuneytið leggur til við nefndina til breytinga á frumvarpinu og send var ritara 9. maí sl.

LRM og LMós tilkynntu að þau hyggðust leggja fram breytingartillögu við 2. umræðu.

Nefndarmenn ræddu málið og sjónarmið sín í málinu. Óskir komu fram um frekari gestaboðanir og brást formaður við því með boðun aukafundar í hádegi á morgun.
Í samræmi við framangreindar óskir stendur til að boða til fundarins fulltrúa FME, efnahags- og viðskiptaráðuneytis og fulltrúa frá KEA.
Formaður bað nefndarmenn um að vera viðbúna því að taka málið til afgreiðslu á fundi næsta þriðjudag.

Málinu var vísað til nefndarinnar í gærkvöldi en um er að ræða mál sem nefndin flytur.
Nefndin ákvað að vísa málinu til umsagnar allsherjar- og menntamálanefndar með umsagnarfresti til og með mánudag í næstu viku.
Einnig var óskað eftir því að fulltrúar réttarfarsnefndar og Lýsingar kæmu á fund nefndarinnar næsta þriðjudag.

Nefndarmenn gerðu grein fyrir sjónarmiðum sínum um málsmeðferð og komu fram tillögur sem formaður hefur til skoðunar. Formaður tók fram að umfjöllun um málið gæti farið fram í júní eða ágúst með þeim fyrirvara að samkomulag tækist um þingfrestun.

Nefndarmenn ræddu málið og gerðu grein fyrir sjónarmiðum sínum til málsins.
Formaður bað nefndarmenn um að vera viðbúna því að taka málið til afgreiðslu á fundi nefndarinnar næsta þriðjudag.

Formaður gerði nefndarmönnum grein fyrir gagnrýni á 1. og 6. gr. frumvarpsins og tengslum frumvarpsins við mál nr. 748 (RÚV) sem er til meðferðar í allsherjar og menntamálanefnd.
Formaður bað nefndarmenn um að vera viðbúna því að taka málið til afgreiðslu á fundi næsta þriðjudag.

LMós boðar breytingartillögu við frumvarpið.

Nefndarmenn áskildu sér rétt til þess að fara betur yfir fram komnar umsagnir í málinu.
Formaður bað nefndarmenn um að vera viðbúna því að taka málið til afgreiðslu á fundi næsta miðvikudag.

Frá kl. 10:55 til 11:00 kom á fundinn Sigurbjörg S. Guðmundsdóttir frá efnahags- og viðskiptaráðuneytinu og gerði grein fyrir beiðni ráðuneytisins um að nefndin flytji frumvarp til breytinga á lögum um sölu fasteigna, fyrirtækja og skipa, nr. 99/2004.
Breytingin varðar skyldu fasteignasala til greiðslu eftirlitsgjalds. Sams konar frumvarp var flutt á síðasta löggjafarþingi af efnahags- og viðskiptaráðherra, sbr. lög nr. 52/2011.
Dreift var á fundinum tölvupósti Sigurbjargar til ritara nefndarinnar frá í gær þar sem beiðnin er útskýrð.
Formaður, HHj, var utan fundarherbergis á meðan ofangreindri umfjöllun stóð en á meðan stýrði 2. varaformaður, LRM, fundi. Í lok fundar samþykkti nefndin að flytja frumvarp í samræmi við ofangreinda beiðni ráðuneytisins (HHj, BJJ, GÞÞ, LRM, LMós, SkH, TÞH, MN).

GÞÞ ítrekaði beiðni sína um upplýsingar frá bönkunum sem varðaði framkvæmd greiðslumats í tilviki óverðtryggðra fasteignaveðlána.

Hlé var gert á fundinum frá kl. 11:00 til 11:10.
MT áheyrnarfulltrúi sat fundinn.
ÞrB var fjarverandi.

Fundi slitið kl. 11:50