10. fundur
fjárlaganefndar á 145. löggjafarþingi
haldinn í Austurstræti 8-10, miðvikudaginn 14. október 2015 kl. 09:00

Mættir:

Vigdís Hauksdóttir (VigH) formaður, kl. 09:00
Guðlaugur Þór Þórðarson (GÞÞ) 1. varaformaður, kl. 09:16
Oddný G. Harðardóttir (OH) 2. varaformaður, kl. 09:00
Ásmundur Einar Daðason (ÁsmD), kl. 09:11
Bjarkey Olsen Gunnarsdóttir (BjG), kl. 09:00
Brynhildur Pétursdóttir (BP), kl. 09:00
Haraldur Benediktsson (HarB), kl. 09:17
Páll Jóhann Pálsson (PJP), kl. 09:00
Valgerður Gunnarsdóttir (ValG), kl. 09:09

Bjarkey Olsen Gunnarsdóttir vék af fundi kl. 10:59. Ásta Guðrún Helgadóttir var fjarverandi. Guðlaugur Þór Þórðarson vék af fundi kl. 11:22.

Nefndarritarar:
Jón Magnússon
Ólafur Elfar Sigurðsson

Bókað:

Eftirfarandi gestir komu til fundar við nefndina:
Frá fjármála- og efnahagsráðuneytinu komu kl. 09:00 Þórhallur Arason og Björn Rögnvaldsson.
Gestirnir kynntu þær breytingar sem gerðar hafa verið á frumvarpi um opinber fjármál frá því það var lagt fram á síðasta þingi. Lagt var fram yfirlit yfir breytingarnar og svörðuðu gestirnir spurningum nefndarmanna.
Frá Ríkisendurskoðun komu kl. 10:15 Jón L. Björnsson og Ingi K. Magnússon. Gestirnir kynntu umsögn Ríkisendurskoðunar um frumvarp um opinber fjármál og svöruðu spurningum nefndarmanna.

Lögð var fram og rædd umsögn fjárlaganefndar til velferðarnefndar um frumvarp til laga um byggingarsjóð Landspítala. Umsögnin var afgreidd úr nefndinni með atkvæðum meiri hluta en hann skipa: Vigdís Hauksdóttir, Guðlaugur Þór Þórðarson, Valgerður Gunnarsdóttir, Haraldur Benediktsson, Páll Jóhann Pálsson og Ásmundur Einar Daðason. Oddný G. Harðardóttir vakti athygli á því að minni hlutinn myndi hugsanlega skila séráliti.
Guðlaugur Þór Þórðarson óskaði eftir að Bankasýsla ríkisins kæmi fljótlega til fundar við nefndina vegna sölu Arion banka á hlutafé í Símanum hf. Var það samþykkt.
Formaður lagði fram spurningar sem samþykkt var að senda Isavia ohf.
Lagt var fram og rætt var álit fjárlaganefndar á skýrslu Ríkisendurskoðunar um endurskoðun ríkisreiknings fyrir árið 2013. Álitið var afgreitt að nýju úr fjárlaganefnd lítillega breytt með samþykki allra viðstaddra.
Ásmundur Einar Daðason lagði til að haldinn yrði fundur í nefndinni um þróun byggðamála í landinu. Var það samþykkt.
Þá var rætt um þau verkefni sem framundan eru.

Fundargerðir 8. og 9. fundar voru samþykktar.

Fundi slitið kl. 11:30