Framkvæmd ákvarðana um brottvísanir og frávísanir

Frumkvæðismál (2211032)
Allsherjar- og menntamálanefnd

Nefndarfundir

Dagsetning Fundur Bókun
10.11.2022 12. fundur allsherjar- og mennta­málanefndar Framkvæmd ákvarðana um brottvísanir og frávísanir
Nefndin fjallaði um málið og fékk á sinn fund Veru Dögg Guðmundsdóttur og Írisi Kristinsdóttur frá Útlendingastofnun. Því næst kom Jón Gunnarsson dómsmálaráðherra ásamt Ingvari Smára Birgissyni, Gunnlaugi Geirssyni og Valgerði Maríu Sigurðardóttur frá dómsmálaráðuneytinu. Gestir gerðu grein fyrir sjónarmiðum um málið og svöruðu spurningum nefndarmanna.

Í tilefni af bókun Arndísar Önnu Kristínardóttur Gunnarsdóttur á 11. fundi allsherjar- og menntamálanefndar óskaði Bryndís Haraldsdóttir, formaður, eftir því að eftirfarandi bókun yrði lögð fram: „Formaður vísar á bug ákúrum um að hafa ekki brugðist við beiðni um fund og fundargesti. Enginn hefur átt við fundargerðir enda er það nefndarmanna að samþykkja fundargerðir. Formaður mun hér eftir sem hingað til fylgja lögum um þingsköp Alþingis og leggja sig fram við að bregðast hratt og vel við þeim beiðnum sem nefndarmenn hafa um gesti og fundarefni.“
08.11.2022 11. fundur allsherjar- og mennta­málanefndar Framkvæmd ákvarðana um brottvísanir og frávísanir
Á fund nefndarinnar mættu þeir Helgi Valberg Jensson frá embætti Ríkislögreglustjóra og Guðbrandur Guðbrandsson, Ómar Mehmet og Þröstur Kristjánsson frá stoðdeild Ríkislögreglustjóra. Fóru þeir yfir málið og svöruðu spurningum nefndarmanna.

Þá samþykkti nefndin með vísan til 1. mgr. 51. gr. þingskapa að óska eftir minnisblaði frá embætti Ríkislögreglustjóra varðandi tölfræði um brottvísanir og frávísanir úr landi.

Fulltrúi Pírata í nefndinni, Arndís Anna Kristínardóttir Gunnarsdóttir, óskaði eftir því að eftirfarandi bókun yrði lögð fram: „Gerðar eru alvarlegar athugasemdir við stjórn nefndarinnar af hálfu formanns. Á síðasta fundi nefndarinnar, þann 3. nóvember 2022, kom fram skýr krafa frá þremur nefndarmönnum, sbr. 3. mgr. 11. gr. starfsreglna fastanefnda og 2. mgr. 15. gr. laga um þingsköp Alþingis um að taka til umfjöllunar nýafstaðnar brottvísanir hælisleitenda. Þegar slík beiðni er lögð fram er formanni nefndar skylt að boða til fundar. Skýrt var að beiðnin laut að því að boða skyldi dómsmálaráðherra, Útlendingastofnun og ríkislögreglustjóra á fundinn, og var jafnframt farið fram á að sendar yrðu tilteknar spurningar til þessara aðila fyrir fundinn til að fundurinn yrði árangursríkur og tóku fundarmenn, meðal annars formaður, undir að það væri gagnlegt. Ekki nóg með að formaður hafi vanrækt að boða þessa aðila til fundarins, heldur var gerð tilraun til að afmá kröfuna úr fundargerð. Þá lítur út fyrir að umbeðnar spurningar hafi ekki verið sendar. Ekkert kom fram á fundinum þann 3. nóvember sem gaf ástæðu til að ætla annað en að formaður myndi bregðast við beiðninni, og voru engin mótmæli við henni“.