Ferill 2. máls. Aðrar útgáfur af skjalinu: PDF - Word Perfect.

155. löggjafarþing 2024–2025.
Þingskjal 365  —  2. mál.
2. umræða.


Breytingartillaga


við frumvarp til laga um breytingu á ýmsum lögum vegna fjárlaga fyrir árið 2025.

Frá Andrési Inga Jónssyni.


    Við bætist nýr kafli, XXI. kafli, Breyting á lögum um veiðigjald, nr. 145/2018, með einni grein, 44. gr., svohljóðandi:
    Við lögin bætist nýtt ákvæði til bráðabirgða, svohljóðandi:
    Þrátt fyrir ákvæði 1. málsl. 1. mgr. 8. gr. eru veiðar á hval óheimilar frá 1. janúar til 31. desember 2025.

     Varatillaga:
    Við bætist nýr kafli, XXI. kafli, Breyting á lögum um veiðigjald, nr. 145/2018, með einni grein, 44. gr., svohljóðandi:
    Í stað „50.000 kr.“ í 1. málsl. 1. mgr. 8. gr. kemur: 50.000.000 kr.

Greinargerð.

    Lagt er til að óheimilt verði að veiða hval á árinu 2025. Með þessu gefst svigrúm til að ákveða framtíð hvalveiða með umfjöllun á Alþingi strax að loknum kosningum, en ekki með setningu einfaldrar reglugerðar af hálfu ráðherra í starfsstjórn. Til vara er lagt til að gjald vegna veiða á langreyði verði hækkað verulega.