Ferill 297. máls. Aðrar útgáfur af skjalinu: PDF - Word Perfect.

---

155. löggjafarþing 2024–2025.
Þingskjal 392  —  297. mál.
3. umræða.

Breytingartillaga

við frumvarp til fjáraukalaga V fyrir árið 2024.

Frá fjárlaganefnd.

		Skv. frv. m.kr.	Breyting m.kr.	Samtals m.kr.
Breytingar á sundurliðun 1:
	Við bætist nýtt málefnasvið og nýr málaflokkur: 28 Málefni aldraðra 28.30 Þjónusta við aldraða og aðrar greiðslur, óta.
	a.     Rekstrartilfærslur		140,0	140,0
	b.      Framlag úr ríkissjóði		140,0	140,0

Greinargerð.

    Lagt er til að veita 140 m.kr. framlag til að fjármagna skattfrjálsa eingreiðslu til ellilífeyrisþega, sbr. frumvarp til laga um breytingu á lögum um almannatryggingar (331. mál). Þar er lagt til að þeim ellilífeyrisþegum sem eiga rétt á fullum ellilífeyri almannatrygginga á árinu 2024, að teknu tilliti til hins almenna frítekjumarks sem kveðið er á um í 1. málsl. 3. mgr. 22. gr. laga um almannatryggingar, nr. 100/2007, og nemur nú 25.000 kr. á mánuði, verði tryggð sambærileg eingreiðsla og mælt er fyrir um í frumvarpi til laga um breytingu á lögum um almannatryggingar (320. mál), og varðar eingreiðslu til örorku- og endurhæfingarlífeyrisþega. Um er að ræða tekjulægsta hóp þeirra ellilífeyrisþega sem hafa tekjur sem eru lægri en nemur hinu almenna frítekjumarki og leiðir eingreiðslan því ekki til skerðingar á ellilífeyri þeirra. Við ákvörðun eingreiðslunnar er aftur á móti ekki gert ráð fyrir að tekið verði tillit til hins sérstaka frítekjumarks vegna atvinnutekna sem kveðið er á um í 2. málsl. 3. mgr. 22. gr. laga um almannatryggingar.