Ferill 443. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Þingskjal 1306  —  443. mál.
3. umræða.


Breytingartillaga


við frumvarp til laga um breytingu á lögum um Miðstöð menntunar og skólaþjónustu, lögum um leikskóla, lögum um grunnskóla og lögum um framhaldsskóla (miðlægur nemendagrunnur).

Frá Kolbrúnu Áslaugar Baldursdóttur.


    Í stað orðanna „ber ábyrgð á“ í 1. málsl. efnismálsgreinar 4. gr. komi: annast.

Greinargerð.

    Í 4. gr. frumvarpsins segir að hvert sveitarfélag beri ábyrgð á innritun barna í leikskóla. Lagt er til að því orðalagi verði breytt og tiltekið þess í stað að hvert sveitarfélag annist innritun, líkt og er jafnframt kveðið á um í 6. gr. varðandi innritun nemenda í grunnskóla. Sveitarfélög annast framkvæmd innritunar en ábyrgð á innritun barns í leikskóla eða nemanda í grunnskóla er á ábyrgð forsjáraðila.