Ferill 70. máls. Aðrar útgáfur af skjalinu: PDF - Word Perfect.

---

157. löggjafarþing 2025–2026.
Þingskjal 205  —  70. mál.
2. umræða.

Nefndarálit með breytingartillögu

um frumvarp til laga um breytingu á lyfjalögum og lögum um lækningatæki (EES-reglur).

Frá velferðarnefnd.

    Nefndin hefur fjallað um málið og fengið á sinn fund gesti frá heilbrigðisráðuneyti.
    Nefndinni bárust þrjár umsagnir sem aðgengilegar eru undir málinu á vef Alþingis.
    Málið hefur áður verið lagt fram, síðast á 156. löggjafarþingi ( þskj. 4, 4. mál), og hafði nefndin einnig hliðsjón af umsögnum sem bárust þá og minnisblaði heilbrigðisráðuneytis.

Umfjöllun nefndarinnar.
    Frumvarpið var á 156. löggjafarþingi afgreitt frá velferðarnefnd með áliti nefndarinnar til 2. umræðu hinn 28. apríl 2025 ( þskj. 428) en málið hlaut ekki afgreiðslu. Líkt og fram kemur í greinargerð með frumvarpinu er það endurflutt lítið breytt með hliðsjón af breytingartillögum velferðarnefndar í fyrrnefndu nefndaráliti frá 156. þingi.
    Velferðarnefnd telur þær breytingar sem gerðar hafa verið á frumvarpinu frá 156. þingi til bóta. Vísar nefndin í umfjöllun sína og áherslur sem fram koma í áðurnefndu áliti á síðasta löggjafarþingi.
    Að höfðu samráði við heilbrigðisráðuneyti leggur nefndin til eina lagfæringu á tilvísun sem ekki er ætlað að hafa efnisleg áhrif á frumvarpið.
    Að framangreindu virtu leggur nefndin til að frumvarpið verði samþykkt með eftirfarandi

BREYTINGU:

     Í stað tilvísunarinnar „24. og 25. tölul.“ í d-lið 6. gr. komi: 22. og 23. tölul.

Alþingi, 15. október 2025.

Kolbrún Áslaugar Baldursdóttir, form.	Kristján Þórður Snæbjarnarson, frsm.	Ingibjörg Isaksen.
Jónína Björk Óskarsdóttir.	Pawel Bartoszek.	Rósa Guðbjartsdóttir.
Sigríður Á. Andersen.	Sigurður Örn Hilmarsson.	Sigurþóra Steinunn Bergsdóttir.