Ferill 206. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 236 — 206. mál.
Fyrirspurn
til mennta- og barnamálaráðherra um menntun fanga.
Frá Sigurði Erni Hilmarssyni.
1. Hversu miklum fjármunum hefur ráðuneytið, eða stofnanir sem heyra undir það, varið árlega til menntunar fanga á árunum 2020–2025? Svar óskast sundurliðað eftir árum.
2. Hvernig hefur framangreindum fjármunum verið ráðstafað, sundurliðað eftir menntastofnunum og fangelsum? Hvert er hlutfall fjármuna sem hefur verið varið í verkmenntun og starfsþjálfun samanborið við annað nám?
3. Með hvaða hætti er menntunarþörf fanga metin og þeim leiðbeint um viðeigandi námsleiðir?
4. Með hvaða hætti mælir ráðuneytið árangur af menntun fanga, sér í lagi með tilliti til markmiða um endurhæfingu og minni líkur á endurkomu í fangelsi? Hvaða mælikvarðar eru notaðir og hverjar eru niðurstöður slíkra mælinga?
5. Hefur ráðuneytið átt í samráði við Afstöðu, Bjargráð eða önnur slík samtök um nám fanga á landsvísu? Ef svo er, hvernig hefur því samráði verið háttað og stendur til að festa það í formi til framtíðar?
6. Hyggst ráðherra leggja fram formlega stefnu í menntamálum fanga? Ef svo er, hvaða skref hafa verið tekin í þá átt?
Skriflegt svar óskast.
