Opinber stuðningur við vísindarannsóknir
198. mál á 141. löggjafarþingi.
Mennta- og menningarmálaráðherra.
Markmið
Að efla vísindarannsóknir og vísindamenntun á Íslandi og veita markáætlun á sviði vísinda og tækni lagastoð.
Helstu breytingar og nýjungar
Lagt er til að Rannsóknasjóður og Rannsóknarnámssjóður verði sameinaðir.
Að heiti Tækjasjóðs verði breytt í Innviðasjóð, hlutverk hans útvíkkað og fagráði Innviðasjóðs komið á fót.
Að formaður vísindanefndar Vísinda- og tækniráðs verði ekki jafnframt formaður stjórnar Rannsóknasjóðs.
Ætlunin er að tryggja meiri samfellu milli þeirra sjóða sem styrkja vísindarannsóknir.
Birta skal í opnu aðgengi niðurstöður rannsókna sem fengið hafa styrki úr samkeppnissjóðum.
Breytingar á lögum og tengd mál
Í frumvarpinu er mælt fyrir um breytingar á lögum um opinberan stuðning við vísindarannsóknir, nr. 3/2003.
Kostnaður og tekjur
Ekki er gert ráð fyrir auknum kostnaði fyrir ríkissjóð.
Umsagnir (helstu atriði)
Í umsögnum sem bárust voru gerðar tillögur um ýmsar efnis- og orðalagsbreytingar. Meðal annars var vakin athygli á því að slæmt væri að meina vísindafólki að birta niðurstöður styrktra rannsókna í ritum sem ekki væru í opnum aðgangi.
Afgreiðsla
Allsherjar- og menntamálanefnd lagði fram nefndarálit og breytingartillögu á þingskjali 757. Þar er lagt til að Markáætlun nái einnig til nýsköpunar. Breytingartillagan var samþykkt og frumvarpið svo breytt.Aðrar upplýsingar
Byggt á styrkum stoðum: stefna Vísinda- og tækniráðs 2010 til 2012. (2009) Reykjavík: Forsætisráðuneytið, Vísinda- og tækniráð.
