Neytendalán
220. mál á 141. löggjafarþingi.
Atvinnuvega- og nýsköpunarráðherra.
Markmið
Að auka neytendavernd vegna lánastarfsemi.
Helstu breytingar og nýjungar
Eftirlit verður aukið með smálánum og þeim fyrirtækjum sem veita slík lán og lánamiðlurum, en undir þá falla allir þeir sem bjóða upp á fjármögnun á því sem keypt er fyrir hönd þriðja aðila.
Breytingar á lögum og tengd mál
Lög nr. 121/1994, um neytendalán, verða felld úr gildi.
Innleiða á tilskipun 2008/48/EB, um neytendalán, og þá fellur úr gildi fyrri tilskipun um sama efni, 87/102/EBE.
- Endurflutt: Neytendalán, 704. mál (efnahags- og viðskiptaráðherra) á 140. þingi (31.03.2012)
Kostnaður og tekjur
Eykur kostnað Neytendastofu um 9 milljónir kr. á ári.
Umsagnir (helstu atriði)
Umsagnir eru almennt jákvæðar og frumvarpið, ef það verður að lögum, er talið auka rétt neytenda á fjármálamarkaði. Hins vegar eru gerðar nokkrar athugasemdir við tyrfið og óskýrt orðalag og þá er talið nauðsynlegt að reglugerð sem byggi á lögunum sem og aðgengilegar upplýsingar um framkvæmd laganna verði tilbúnar áður en lögin taka gildi. Nokkrir aðilar gagnrýna frumvarpið harðlega og telja að verið sé að blekkja neytendur.
Afgreiðsla
Töluverðar breytingar voru gerðar á frumvarpinu til að tryggja betur hagsmuni lántakenda og upplýsingaskyldu lánveitenda. Það var samþykkt mótatkvæðalaust og tekur gildi 1. september 2013.Aðrar upplýsingar
Löggjöf á Norðurlöndum
Danmörk
Bekendtgørelse af lov om kreditaftaler LBK nr. 761 af 11/06/2011.
Fjölmiðlaumfjöllun
Bjóða smálán með 608% ársvöxtum. Mbl.is 29.10.2009.
EES verndar smálánin. Smugan 21.08.2012.
Enginn neyddur til að taka smálán. Ruv.is 22.08.2012.
Fréttasafn um smálán, þ.á m. um smálán í ýmsum löndum á vef Ruv.is.
Hagsmunasamtök heimilanna hafa birt auglýsingar gegn frumvarpinu og hefur ráðherra brugðist við með yfirlýsingum á Smugunni.