Höfundalög
333. mál á 145. löggjafarþingi.
Mennta- og menningarmálaráðherra.
Markmið
Að færa ákvæði höfundalaga um réttindi höfunda til samræmis við þróun höfundalaga í öðrum norrænum ríkjum, einkum með tilliti til Evróputilskipunar um höfundarétt í upplýsingasamfélaginu.Helstu breytingar og nýjungar
Lagt er til að tekið verði upp breytt orðalag um hugtakið eintakagerð og jafnframt lagt til að notað verði orðasambandið að gera verk aðgengileg í stað hugtaksins birting. Hugtakið á við um þá heimild sem notendur fá til nota á verkum á grundvelli samningskvaðar. Lagt er til að lögfest verði fjögur ný samningskvaðaákvæði.Breytingar á lögum og tengd mál
Höfundalög nr. 73/1972.- Endurflutt: Höfundalög, 702. mál (mennta- og menningarmálaráðherra) á 144. þingi (07.04.2015)
- Skylt mál: Höfundalög, 334. mál (mennta- og menningarmálaráðherra) á 145. þingi (10.11.2015)
- Skylt mál: Höfundalög, 362. mál (mennta- og menningarmálaráðherra) á 145. þingi (24.11.2015)
Kostnaður og tekjur
Ekki er gert ráð fyrir auknum kostnaði fyrir ríkissjóð.Umsagnir (helstu atriði)
Umsagnir voru almennt jákvæðar en athugasemdir voru gerðar við einstök efnisatriði. Einnig voru í nokkrum umsögnum gerðar athugasemdir við málflutning sem kom fram við fyrstu umræðu um frumvarpið þan 17. nóvember 2015. Má þar nefna umsagnir Fjölís og STEFs.Afgreiðsla
Frumvarpið var samþykkt óbreytt.Aðrar upplýsingar
Tilskipun Evrópuþingsins og ráðsins 2001/29/EB frá 22. maí 2001 um samræmingu tiltekinna þátta höfundaréttar og skyldra réttinda í upplýsingasamfélaginu.Bekendtgørelse af lov om ophavsret LBK nr 1144 af 23/10/2014.