Endurskoðendur og endurskoðun
312. mál á 149. löggjafarþingi.
Ferðamála-, iðnaðar- og nýsköpunarráðherra.
Markmið
Að tryggja að um störf endurskoðenda og endurskoðunarfyrirtækja gildi skýrar reglur í því skyni að auka traust á ársreikningum og samstæðureikningsskilum endurskoðaðra eininga.Helstu breytingar og nýjungar
Með samþykkt frumvarpsins yrði tilskipun ESB nr. 2014/56 um lögboðna endurskoðun ársreikninga og samstæðureikninga og reglugerð ESB nr.
537/2014
um sérstakar kröfur í tengslum við lögboðna endurskoðun á einingum tengdum almannahagsmunum innleidd í íslensk lög. Lagt er til að ríkari kröfur verði gerðar til endurskoðunarfyrirtækja, veitingar starfsleyfa og innlagnar starfsleyfa. Gert er ráð fyrir að ítarlegri kröfur verði gerðar um óhæði endurskoðenda. Einnig er lagt til að opinbert eftirlit með endurskoðendum og endurskoðunarfyrirtækjum verði eflt og að Fjármálaeftirlitið sinni eftirlitinu. Gert er ráð fyrir að Fjármálaeftirlitið fái ríkari valdheimildir til að beita viðurlögum til að koma í veg fyrir brot gegn gildandi reglum í tengslum við þjónustu sem endurskoðendur og endurskoðunarfyrirtæki veita. Að auki er gert ráð fyrir að ríkari kröfur verði lagðar á endurskoðendur og endurskoðunarfyrirtæki sem endurskoða einingar tengdar almannahagsmunum. Lagt er til að úrræði sem eftirlitsstjórnunarvald hefur til að bregðast við brotum endurskoðenda og endurskoðunarfyrirtækja verði aukin.
Breytingar á lögum og tengd mál
Um er að ræða ný lög og við gildistöku laganna falla úr gildi lög um endurskoðendur, nr. 79/2008, en breytingar verða á lögum um fjármálafyrirtæki, nr. 161/2002, lögum um ríkisendurskoðanda og endurskoðun ríkisreikninga, nr. 46/2016, og lögum um vátryggingastarfsemi, nr. 100/2016.Kostnaður og tekjur
Verði frumvarpið óbreytt að lögum er gert ráð fyrir að áhrifin á afkomu ríkissjóðs verði óveruleg. Gert er ráð fyrir að tekjur ríkissjóðs aukist um 6,4 milljónir kr. vegna hækkaðra eftirlitsgjalda sem lögð eru á endurskoðendur. Að auki er gert ráð fyrir að Endurskoðendaráð fái árlegt framlag úr ríkissjóði að upphæð 25,5 millj. kr. og færist það framlag til Fjármálaeftirlitsins. Til að mæta auknum kostnaði við árlegt eftirlit með endurskoðendum og breytingar á skipulagi eftirlitsins er gert ráð fyrir að útgjöld hækki um 6,5 milljónir. Gert er ráð fyrir að áhrif á afkomu ríkissjóðs vegna breytinga á almennu eftirliti með endurskoðendum verði óveruleg.Afgreiðsla
Samþykkt með nokkrum breytingum, m.a. þeim að endurskoðendaráði er falið eftirlit með endurskoðendum og endurskoðunarfyrirtækjum í stað Fjármálaeftirlitsins og að skilgreiningin á hlutverki endurskoðenda var þrengd til samræmis við lögbundið hlutverk þeirra.Aðrar upplýsingar
Tilskipun Evrópuþingsins og ráðsins 2014/56/ESB frá 16. apríl 2014 um breytingu á tilskipun 2006/46/EB um lögboðna endurskoðun ársreikninga og samstæðureikningsskila.
Tilskipun Evrópuþingsins og ráðsins
2006/43/EB frá 17. maí 2006 um lögboðna endurskoðun ársreikninga og samstæðureikningsskila, um breytingu á tilskipunum ráðsins
78/660/EBE og
83/349/EBE og um niðurfellingu á tilskipun ráðsins
84/253/EBE.
Reglugerð Evrópuþingsins og ráðsins (ESB) nr.
537/2014 frá 16. apríl 2014 um sérstakar kröfur í tengslum við lögboðna endurskoðun á einingum tengdum almannahagsmunum og um niðurfellingu á ákvörðun framkvæmdastjórnarinnar
2005/909/EB.
