Eignarráð og nýting fasteigna
416. mál á 152. löggjafarþingi.
Forsætisráðherra.
Markmið
Að styrkja löggjöf og stjórnsýslu varðandi jarðir, land og aðrar fasteignir bæði að því er varðar hefðbundnar landnytjar og auðlindir sem tengjast eignarhaldi á landi.
Helstu breytingar og nýjungar
Lagt er til að ríkissjóður hafi forkaupsrétt að landi þar sem friðlýstar menningarminjar er að finna. Sett verða ítarlegri ákvæði um sameign á landi sem fellur undir gildissvið jarðalaga. Kveðið verður heildstætt á um afmörkun fasteigna innan og utan þéttbýlis, þ.e. merki landsvæða og lóða af öllum stærðum og gerðum (landamerki), í lögum um skráningu og mat fasteigna. Slakað verður lítillega á skilyrðinu um að erlendir ríkisborgarar frá ríkjum utan EES sem vilja kaupa hér fasteign verði að hafa sterk tengsl við Ísland. Þá þurfa lögaðilar innan EES sem eru undir yfirráðum annarra en EES-aðila að óska eftir leyfi dómsmálaráðherra til að kaupa fasteign hér á landi.
Breytingar á lögum og tengd mál
Lög um menningarminjar, nr.
80/2012.
Jarðalög, nr.
81/2004.
Lög um skráningu og mat fasteigna, nr.
6/2001.
Lög um eignarrétt og afnotarétt fasteigna, nr.
19/1966.
Lög um aukatekjur ríkissjóðs, nr.
88/1991.
Skipulagslög, nr.
123/2010.
Við gildistöku laganna falla úr gildi lög um mælingu og skrásetningu lóða og landa í lögsagnarumdæmi Akureyrar, nr.
16/1951, lög um landamerki o.fl., nr.
41/1919, lög um útmælingar lóða í kaupstöðum, löggiltum kauptúnum o.fl., nr.
75/1917, og lög um mælingu og skrásetningu lóða og landa í lögsagnarumdæmi Reykjavíkur, nr.
35/1914.
