Sorgarleyfi
593. mál á 152. löggjafarþingi.
Félags- og vinnumarkaðsráðherra.
Markmið
Að tryggja foreldrum svigrúm til sorgarúrvinnslu í kjölfar barnsmissis og eftir atvikum til að styðja við eftirlifandi systkin við að aðlagast breyttum aðstæðum. Að auka líkur á að foreldrar geti átt farsæla endurkomu á vinnumarkað og geti tekið virkan þátt í samfélaginu að nýju í kjölfar barnsmissis.Helstu breytingar og nýjungar
Lagt er til að foreldrum verði tryggt svonefnt sorgarleyfi í allt að sex mánuði sem og greiðslur til að koma til móts við tekjutap á umræddu tímabili í tengslum við fjarveru frá vinnumarkaði í kjölfar barnsmissis. Jafnframt er lagt til að tryggja foreldrum utan vinnumarkaðar eða í minna en 25% starfshlutfalli, þ.á.m. námsmönnum, sorgarstyrk verði þeir fyrir barnsmissi. Þá er gert ráð fyrir að réttur foreldra til leyfis frá störfum í þrjá mánuði í kjölfar andvanafæðingar eftir 22 vikna meðgöngu og í tvo mánuði vegna fósturláts eftir 18 vikna meðgöngu samkvæmt lögum um fæðingar- og foreldraorlof verði áfram tryggður í frumvarpinu sem og greiðslur til að koma til móts við tekjutap á umræddu tímabili.Breytingar á lögum og tengd mál
Um er að ræða ný lög en við gildistöku þeirra verða breytingar á lögum um fæðingar- og foreldraorlof, nr. 144/2020, og lögum um greiðslur til foreldra langveikra eða alvarlega fatlaðra barna, nr. 22/2006.Kostnaður og tekjur
Gert er ráð fyrir að árleg fjárhagsáhrif á ríkissjóð verði um 168 milljónir kr. auk þess sem gert er ráð fyrir 6 milljóna kr. einskiptiskostnaði við aðlögun tölvulausna hjá Vinnumálastofnun.
