Alþingi (133. löggjafarþingi) var frestað frá 18. mars 2007 til loka kjörtímabils 12. maí 2007
Af 212 frumvörpum urðu alls 114 að lögum, 2 voru kölluð aftur, 2 var vísað til ríkisstjórnarinnar og 94 voru ekki útrædd. Af 109 þingsályktunartillögum voru alls 30 tillögur samþykktar sem ályktanir Alþingis, 3 var vísað til ríkisstjórnarinnar og 76 voru ekki útræddar. Skriflegar skýrslur voru samtals 34 (þar af voru beiðnir um skýrslur frá ráðherrum 4 og bárust skýrslur við öllum). Fyrirspurnir á þingskjölum voru samtals 355. Munnlegar fyrirspurnir voru 194 og var 168 svarað. Skriflegar fyrirspurnir voru 158 og var 155 svarað.
Þingmál til meðferðar í þinginu voru alls 710. Tala prentaðra þingskjala var 1416. Óundirbúnar fyrirspurnir til ráðherra voru 34, munnlegar skýrslur ráðherra voru 3 og aðrar munnlegar skýrslur 2. Umræður utan dagskrár voru 34. Á þinginu fóru 8 dagar í nefndastörf eingöngu. Fundir þingnefnda voru 353 og stóðu þeir í 470 klst. Gestir sem komu á fundi nefnda voru um 1500. Af 202 þingmálum sem var vísað til fastanefnda voru 147 afgreidd. Rúmlega 1600 erindi bárust þingnefndum og að auki barst fjárlaganefnd 900 erindi.