Stefnuræða forsætisráðherra og umræður um hana 14. september 2022 – röð flokka og ræðumenn
Umræðum um stefnuræðu forsætisráðherra verður útvarpað og sjónvarpað miðvikudagskvöldið 14. september kl. 19:35. Strax að loknum umræðum um stefnuræðuna verður sjónvarpað á RÚV beint úr Alþingishúsinu umfjöllun sérfræðinga um það sem fram kemur í umræðunum. Umræðurnar skiptast í tvær umferðir að þessu sinni, í stað þriggja líkt og hefðbundið hefur verið, samkvæmt samkomulagi forseta Alþingis og formanna þingflokka. Hver þingflokkur hefur 6 mínútur í hvorri umferð en forsætisráðherra hefur 12 mínútur til framsögu.
Röð flokkanna er þessi í báðum umferðum:
- Vinstrihreyfingin – grænt framboð
- Samfylkingin
- Flokkur fólksins
- Sjálfstæðisflokkur
- Píratar
- Framsóknarflokkur
- Viðreisn
- Miðflokkurinn
Ræðumenn fyrir Vinstrihreyfinguna – grænt framboð verða Katrín Jakobsdóttir forsætisráðherra í fyrri umferð og Svandís Svavarsdóttir matvælaráðherra í seinni umferð.
Fyrir Samfylkinguna tala Logi Einarsson, 5. þm. Norðausturkjördæmis, í fyrri umferð og Þórunn Sveinbjarnardóttir, 8. þm. Suðvesturkjördæmis, í seinni umferð.
Fyrir Flokk fólksins tala Inga Sæland, 7. þm. Reykvíkurkjördæmis suður, í fyrri umferð og Guðmundur Ingi Kristinsson, 9. þm. Suðvesturkjördæmis, í seinni umferð.
Fyrir Sjálfstæðisflokk tala Bjarni Benediktsson fjármála- og efnahagsráðherra í fyrri umferð og í seinni umferð Hildur Sverrisdóttir, 5. þm. Reykvíkurkjördæmis suður.
Ræðumenn Pírata verða í fyrri umferð Halldóra Mogensen, 3. þm. Reykvíkurkjördæmis norður, og í seinni umferð Gísli Rafn Ólafsson, 13. þm. Suðvesturkjördæmis.
Fyrir Framsóknarflokk tala í fyrri umferð Sigurður Ingi Jóhannsson innviðaráðherra og í seinni umferð Willum Þór Þórsson heilbrigðisráðherra.
Ræðumenn Viðreisnar verða í fyrri umferð Þorgerður K. Gunnarsdóttir, 5. þm. Suðvesturkjördæmis, og Guðbrandur Einarsson, 10. þm. Suðurkjördæmis, í þeirri seinni.
Ræðumenn Miðflokksins verða Sigmundur Davíð Gunnlaugsson, 7. þm. Norðausturkjördæmis, í fyrri umferð, og Bergþór Ólason, 8. þm. Norðvesturkjördæmis, í seinni umferð.
