[prenta uppsett í dálka] 138. fundur
Ágúst Einarsson:
Herra forseti. Þessi grein fjallar um tímabundna skipun embættismanna. Með þessari grein og 41. gr. er í reynd afnumin svokölluð æviráðning sem hefur verið við lýði víða í ríkiskerfinu. Þetta hefur hins vegar verið samningsmál í fjölmörgum tilfellum. Með útfærslunni í þessari grein og öðrum eru fjölmargar stéttir sviptar samnings- og verkfallsrétti án þess að talað sé við þær á réttum vettvangi. Þetta eru óhæf vinnubrögð að mínu mati. Ég segi nei.
