Pétur H. Blöndal (andsvar):
Herra forseti. Ég þakka hv. þm. Láru Margréti Ragnarsdóttur fyrir ágæta skýrslu. Nú er það svo að öll þjóðþingin sem eiga aðild að Evrópuráðsþinginu eiga jafnframt aðild að ÖSE-þinginu. Mörg verkefni Evrópuþingsins eru þau sömu eða svipuð og ÖSE-þingsins. Nægir þar að nefna kosningaeftirlit og mannréttindagæslu. Því hef ég eina spurningu til hv. þm.: Telur hv. þm. ekki eðlilegt að Evrópuráðsþingið og ÖSE-þingið skipti með sér verkum til að koma í veg fyrir tvíverknað, ómarkviss vinnubrögð og meiri kostnað?