Siv Friðleifsdóttir:
Herra forseti. Ég sé ekki betur en að við getum klárað þessa atkvæðagreiðslu hér af því að það kemur mjög skýrt fram í frv., með leyfi forseta:
,,Ef sýnt þykir að Tryggingasjóður einyrkja geti ekki staðið við skuldbindingar sínar samkvæmt lögum þessum skal stjórn sjóðsins gera tillögu til ráðherra um hertar úthlutunarreglur og/eða um hækkun á tekjum sjóðsins.``
Það er ekkert verið að loka fyrir að auknar tekjur geti komið til sjóðsins, hugsanlega frá hæstv. ríkisstjórn, þannig að ég skil ekki þetta uppnám sem er hér.