Árni M. Mathiesen (andsvar):
Herra forseti. Það er vissulega rétt að eftirspurnin ræður hér miklu ef ekki mestu en nú er staðan hins vegar sú að Landsvirkjun á í erfiðleikum með að sjá hugsanlegum notendum fyrir þeirri raforku sem þeir þurfa á þeim tíma sem þeir þurfa að fá hana. Þess vegna ítrekaði ég að þeim aðilum sem ég nefndi áðan verði gert kleift að taka þátt í því að leysa þann vanda sem þannig hugsanlega skapast.