[prenta uppsett í dálka] 70. fundur, 123. lþ.
Félagsmálaráðherra (Páll Pétursson) (andsvar):
Herra forseti. Ég get ekki kallað að ég sé að kasta ónotum þó að ég svari ádeilum sem eru hafðar uppi í minn garð.
Eins og glögglega kemur fram, ef hv. þm. les 9. gr. frv., þá segir þar, með leyfi forseta: ,,Þingið setur sér þingsköp. Jafnréttisráð skal semja reglur fyrir hvert jafnréttisþing þar sem kveðið er á um seturétt á þinginu, kjörgengi og kosningarrétt þingfulltrúa.``
Síðan segir: ,,Verði ágreiningur um kjörgengi og kosningarrétt þingfulltrúa skal málum vísað til úrskurðar á þinginu sjálfu.``
Ég vonast eftir því að jafnréttisþing verði fjölsótt, þar geti farið fram fjörleg umræða og afgreiðslur þess verði byggðar á lýðræðislegum grunni.
