[prenta uppsett í dálka] 58. fundur, 126. lþ.
Árni Steinar Jóhannsson:
Virðulegi forseti. Ég vil þakka hv. þm. Katrínu Fjeldsted fyrir að vekja athygli á þessu brýna máli. Ég held hins vegar að málið snúi þannig við að við verðum að taka höndum saman og taka a.m.k. þjóðveg 1 og fækka einbreiðum brúm. Vegagerðin hefur sannast sagna gert átak í öllum merkingum. Það er varla hægt upp á það að klaga.
Á leið minni til höfuðborgarinnar, frá Akureyri til Reykjavíkur, er að mínu mati stórbót að blikkljósunum sem eru komin á flestar brýr. En ég held að það liggi alveg ljóst fyrir eins og kom fram hjá hv. þm. Jóni Bjarnasyni að við verðum að taka okkur tak og ráðast í framkvæmdir á þessum fjölförnu vegum og breikka brýrnar þannig að þær anni þeirri umferð sem um þær þarf að fara.
