Þuríður Backman:
Herra forseti. Ég vil byrja á að þakka fyrirspyrjanda fyrir að koma með þessa fyrirspurn inn á þing og eins hæstv. ráðherra fyrir svör hennar.
Auðvitað er alveg ljóst að allir flokkar hafa vímuvarnir á stefnuskrá sinni en þeir setja hana fram með mismunandi hætti. Framsetning Framsfl. fyrir síðustu kosningar, með milljarðinn í farteskinu, var áberandi. Árangurinn hefur komið í ljós og hann er bæði góður og slæmur, eftir því hvernig á það er litið.
Aukin samvinna milli sveitarfélaga og lögreglu er hins vegar fagnaðarefni og það er mjög mikilvægt að vímuvörnum á öllum sviðum verði fylgt vel eftir og það haft í huga þegar við erum að ræða hér um tóbaksvarnir, frjálsari sölu á áfengi o.s.frv.