[prenta uppsett í dálka] 26. fundur, 126. lþ.
Jón Bjarnason (andsvar):
Herra forseti. Ég fagna síðustu yfirlýsingu hæstv. landbrh. þar sem hann lét orð falla varðandi einangrunarstöðina í Hrísey. Ég tel einmitt, eins og yfirlýsing hans birtist þar, að hún sé í þeim anda sem við báðir munum geta unnið eftir og ég heiti því, herra forseti, að veita liðsinni mitt til þess að einangrunarstöðin í Hrísey geti eflst og verið fær um að takast á við þessi verkefni eins og hæstv. ráðherra lagði áherslu á í lok andsvars síns.
