[prenta uppsett í dálka] 94. fundur, 127. lþ.
Kolbrún Halldórsdóttir:
Virðulegi forseti. Hér er tilkynnt að 13. og 14. mál skuli tekið út af dagskrá, afréttamál, fjallskil og búnaðargjald. Málin eru á könnu hæstv. landbrh. en eins og alþjóð mun kunnugt, a.m.k. þeim hluta hennar sem les Morgunblaðið, hefur hæstv. landbrh. auglýst opinn stjórnmálafund austur í sveitum í kvöld.
Mér hefur verið kunnugt um það nokkuð lengi að búast mætti við kvöldfundi í kvöld á Alþingi. Ég spyr því hæstv. forseta: Er það alveg forsvaranlegt að hv. alþm. skuli binda sig yfir störfum þingsins, en hæstv. ráðherrar skuli ekki þurfa að binda sig með sama hætti?
