Kristinn H. Gunnarsson (andsvar):
Herra forseti. Á lokastigi í störfum nefndarinnar var rædd ákveðin hugmynd í fullri alvöru sem fól í sér að tekið var tillit til sjónarmiða beggja aðila. Ég tel að góðar líkur hafi verið á því að menn næðu saman á grundvelli þeirra hugmynda. Ég a.m.k. hvatti bæði sjútvrh. til að beita sér fyrir því að ná samkomulagi á grundvelli þeirrar tilraunar og einnig formann Framsfl., hæstv. utanrrh., að menn beittu sér fyrir því að ná niðurstöðu á þessum grundvelli.