[prenta uppsett í dálka] 36. fundur, 127. lþ.
Þuríður Backman (andsvar):
Herra forseti. Ég vil mótmæla því að opinberum starfsmönnum sé kennt um þá þróun sem hefur orðið í ríkisútgjöldunum, að það sé eingöngu þeim að kenna, að launaþróun opinberra starfsmanna sé að kenna að ríkisútgjöldin hafi vaxið eins og þau hafa gert.
Auðvitað eigum við að taka mið af framleiðslu í landinu, útflutningstekjum okkar. Því vil ég beina því til hv. ríkisstjórnar að hún sinni hlutverki sínu þannig að hún styðji við framleiðslugreinarnar og stuðli að því að grunnframleiðsla aukist og styrkist í landinu þannig að full framleiðsla í landbúnaði og sjávarútvegi aukist, geri það betur en hún gerir nú, og að við náum inn hærra hlutfalli af landsframleiðslutekjum en nú.
