[prenta uppsett í dálka] 36. fundur, 127. lþ.
Arnbjörg Sveinsdóttir (andsvar):
Hæstv. forseti. Það vill svo til að flestir sem hafa kynnt sér og farið ofan í áform um virkjanir og stóriðju á Austurlandi hafa litið á þau sem mjög jákvætt innlegg í efnahagslíf landsins. En það er alveg ljóst að pólitísk skoðun hv. þm. Ögmundar Jónassonar er allt önnur. Það kemur auðvitað fram hjá honum sem stjórnarmanni í Lífeyrissjóði starfsmanna ríkisins að hann hefur þessa pólitísku skoðun og við getum einfaldlega ekki breytt því.
En allir færustu sérfræðingar sem hafa farið ofan í þessi mál eru allt annarrar skoðunar en hann. Ég styðst við álit þeirra en ekki álit hv. þm. Ögmundar Jónassonar.
