[prenta uppsett í dálka] 36. fundur, 127. lþ.
Ögmundur Jónasson (andsvar):
Það er rangt hjá hv. þm. að allir færustu sérfræðingar séu á máli hv. þm. Arnbjargar Sveinsdóttur. Þvert á móti hafa þeir sérfræðingar sem kynnt hafa sér málin hvað gleggst verið með svipuð sjónarmið uppi og ég. Ég vísa þar m.a. í hagfræðinga, samflokksmenn hv. þm., sem hafa skrifað mikið um þessi efni. (Gripið fram í.)
Þannig er nú með lífeyrissjóðina að þeir eru flestir á því máli að fara sér mjög hægt í þessum efnum og sá lífeyrissjóður sem hv. þm. vísaði til var einhuga í afstöðu sinni.
Ég talaði um rök, óskaði eftir rökum. Ég vísaði í rök sérfræðinga, efnahagssérfræðinga hjá Þjóðhagsstofnun Íslands og ég nefndi þau rök og vil gjarnan heyra viðbrögð hv. þm. við þeim rökum sem ég nefndi.
