Kristinn H. Gunnarsson (andsvar):
Herra forseti. Það er alveg ljóst að skólagjöldin eru erfið mál fyrir marga þingmenn, m.a. hv. þm. Össur Skarphéðinsson sem engdist dálítið í því máli kjörtímabilið 1991--1995. Þá voru gerðar breytingar á lögum í þá átt sem við búum við í dag. Framsfl. hefur ekki verið tilbúinn til þess að auka við í þeim efnum. Við höfum ekki verið hvatamenn að því.
Hins vegar er erfitt að standa gegn því að hækka umrædda skatta eða gjöld í samræmi við verðlag og á það hafa menn fallist. Menn þekkja svo sem alveg sjónarmið þingflokksins í þeim efnum þannig að það þarf ekkert að rekja þau frekar.