[prenta uppsett í dálka] 47. fundur, 127. lþ.
Ögmundur Jónasson:
Herra forseti. Breyting á hátekjuskatti rýrir tekjur ríkissjóðs um 600 millj. kr. á ári en að sama skapi bætir þessi breyting hag tekjuhæsta fólksins, þeirra sem búa við skást kjörin í landinu um þessar sömu 600 millj. kr. Þetta er lítill hluti þjóðarinnar sem fær að jafnaði meðgjöf upp á 40 þús. kr. á ári, sumir minna, aðrir meira. Hverjir niðurgreiða þessa meðgjöf? Það er lægst launaða fólkið. Það eru öryrkjarnir. Því að í fyrsta skipti í sögu lýðveldisins er þetta fólk nú skattlagt. Það greiðir í ríkissjóð 70 þús. kr. á ári til þess m.a. að fjármagna þessar siðlausu skattkerfisbreytingar ríkisstjórnarinnar. (Gripið fram í.) Já, þetta hét siðleysi og það heitir enn siðleysi.
