Svanfríður Jónasdóttir:
Herra forseti. Við 1. umr. fjárlaga gaf hæstv. fjmrh. fyrirheit um það að stimpilgjöld yrðu lækkuð. Allt slíkt er þó óljóst í því frv. sem við nú greiðum atkvæði um. Þar eru engar beinar tillögur og engir fjármunir. Við erum hins vegar að greiða atkvæði um tillögu okkar í Samfylkingunni um það að stimpilgjald verði lækkað um þriðjung frá og með 1. janúar 2003 og í okkar tillögum okkar er einnig séð fyrir fjármögnun á þessari lækkun.
Stimpilgjöld eru ranglátur skattur, herra forseti. Þau leggjst þyngra á fólk í fjárhagsþröng en aðra og mismuna fyrirtækjum. Stimpilgjöld eru enda á hröðu undanhaldi í aðildarríkjum OECD. Stimpilgjöld eru gamaldags skattur, herra forseti. Því segi ég já.