Árni Steinar Jóhannsson (andsvar):
Það eru útúrsnúningar hjá hæstv. iðnrh. að tala um að Vinstri hreyfingin -- grænt framboð sé þeirrar skoðunar að gufuaflsvirkjanir eða jarðhitavirkjanir séu betri en aðrar virkjanir. Við höfum alls ekki sagt neitt á þá lund. Við höfum hins vegar talið að við ættum ekki að virkja í svo miklu offorsi til stóriðju. Það þýðir ekki að við getum ekki virkjað í þessu landi. Það hefur aldrei komið neitt annað fram.
Við förum í næsta mál, varðandi virkjanaleyfin á eftir. Þá gefst betra tóm til að ræða þessi mál frekar. Ég ætla því ekki að hafa þessi orð fleiri.