[prenta uppsett í dálka] 24. fundur, 128. lþ.
Árni Steinar Jóhannsson:
Virðulegi forseti. Það kom fram hjá hæstv. iðnrh. að það væri álíka skilningur úti í Brussel og hér heima á því hvernig tilskipunin ætti að vera. Mér heyrist þó á hæstv. ráðherra að hún sé kannski að gera þetta gegn sannfæringu sinni vegna tilskipunarinnar, og þá spyr ég: Af hverju er ekki hreinlega sótt um undanþágu og keyrt á það mál í staðinn fyrir að velta fyrir sér gagnkvæmum skilningi á tilskipuninni? Við höfum ekki látið reyna á það og það er hægt að sækja um og keyra það mál úti í Brussel. Af hverju er það ekki gert?
