[prenta uppsett í dálka] 41. fundur, 130. lþ.
Jón Bjarnason:
Frú forseti. Þetta mál, ferðaþjónustumál í dreifbýli og úti um land, er gríðarlega þýðingarmikið fyrir allt atvinnulíf í landinu. Ekki bara fyrir þá sem þar búa, heldur er þetta líka ein öflugasta atvinnugrein landsmanna. Þar er ekkert dreifbýli: þéttbýli heldur myndar þetta bara eina heild, við verðum að líta á þetta þannig.
Í sambandi við upplýsingamiðstöðvarnar þá þarf að styrkja hinn almenna grunn þess atvinnuvegar. Einn mikilvægasti þátturinn í að standa að baki uppbyggingu þessa atvinnuvegar er kannski upplýsingamiðstöðvar ferðamála í héruðunum sem geta starfað á heilsársgrunni. Ég vil ítreka og spyrja hæstv. landbrh. hvort hann muni ekki beita sér fyrir því að styðja betur að þessum upplýsingamiðstöðvum því þær eru í fullkomu fjársvelti. Að því þyrfti virkilega að vinna.
