 Ágúst Ólafur Ágústsson Fæddur í Hamborg 10. mars 1977. Foreldrar: Ágúst Einarsson (fæddur 11. janúar 1952) alþingismaður og prófessor, sonur Einars Sigurðssonar varaþingmanns, og Kolbrún Ingólfsdóttir (fædd 10. mars 1943) sagnfræðingur og meinatæknir. Maki: Þorbjörg Sigríður Gunnlaugsdóttir (fædd 23. maí 1978) lögfræðingur. Þau skildu. Foreldrar: Gunnlaugur A. Jónsson og Guðrún Helga Brynleifsdóttir. Dætur: Elísabet Una (2002), Kristrún (2005), María Guðrún (2012). Stúdentspróf MR 1997. Lögfræðipróf HÍ 2003. BA-próf í hagfræði HÍ 2003. MPA New York University 2011. Stundaði ýmis störf sumrin 1998-2001, m.a. sem blaðamaður á Degi, hjá fjármálaráðuneytinu, ríkisskattstjóra og við nýsköpunarverkefni um reglur um persónuvernd í íslenskum og alþjóðlegum rétti fyrir Siðfræðistofnun Háskóla Íslands. Ráðgjafi hjá Sameinuðu þjóðunum í New York 2011-2012. Stundakennari í meistaranámi stjórnmálafræðideildar Háskóla Íslands 2012-2016. Efnahags- og atvinnuráðgjafi forsætisráðherra 2012-2013. Fjármála- og hagfræðiráðgjafi hjá Capacent ehf. 2014-2016. Aðalmaður í bankaráði Seðlabanka Íslands 2013-2017. Aðjúnkt við viðskiptafræðideild Háskóla Íslands 2015-2017. Í stjórn Röskvu, samtaka félagshyggjufólks í HÍ, og stjórn ELSA-Ísland, samtaka evrópskra laganema á Íslandi, 1999-2000. Í framkvæmdastjórn Sambands ungra jafnaðarmanna 1999-2000. Í stjórn Varðbergs, samtaka um vestræna samvinnu, 2000-2004, þar af varaformaður 2002-2004. Varaformaður Ungra jafnaðarmanna 2000-2001, formaður 2001-2003. Í stjórn fulltrúaráðs Samfylkingarinnar í Reykjavík síðan 2001. Varaformaður Samfylkingarinnar 2005-2009. Formaður nefndar um stöðu barna í mismunandi fjölskyldugerðum 2007-2009. Formaður samstarfsnefndar um málefni aldraðra og framkvæmdasjóðs aldraðra 2007-2009. Formaður Evrópunefndar forsætisráðherra 2008-2009. Í stjórn Kjarnans 2016-2017. Ritstjóri skólablaðs MR (1995), hátíðartímarits ELSA-Ísland (1999), politik.is (2000-2001), Pólitíkur, blaðs ungra jafnaðarmanna (2002). Í ritstjórn Úlfljóts (1999-2000). Alþingismaður Reykjavíkurkjördæmis suður 2003-2009 og 2017-2021 (Samfylkingin). Allsherjarnefnd 2003-2009, heilbrigðis- og trygginganefnd 2003-2006 og 2007, sérnefnd um stjórnarskrármál 2004-2007 og 2009 (fyrri), efnahags- og viðskiptanefnd 2006-2007, heilbrigðisnefnd 2007-2009, viðskiptanefnd 2007-2009 (formaður), fjárlaganefnd 2017-2021, efnahags- og viðskiptanefnd 2021. Íslandsdeild Alþjóðaþingmannasambandsins 2007-2009 og 2017-2021.
|
