 Ásta Möller Fædd í Reykjavík 12. janúar 1957. Foreldrar: Agnar Möller (fæddur 3. desember 1929, dáinn 12. júní 2010) fulltrúi og kona hans Lea Rakel Möller (fædd 4. janúar 1929). Maki (25. apríl 1981): Haukur Þór Hauksson (fæddur 9. febrúar 1957) rekstrarhagfræðingur, framkvæmdastjóri. Foreldrar: Haukur Benediktsson og kona hans Arndís Þorvaldsdóttir. Börn: Helga Lára (1983), Hildur (1986), Ásta Sesselja (fædd/dáin 1991), Steinn Haukur (1992). Stúdentspróf MH 1976. B.Sc.-próf í hjúkrunarfræði HÍ 1980. MPA-próf í opinberri stjórnsýslu við HÍ 2006. Hjúkrunarfræðingur við Borgarspítalann 1980-1982. Fastur stundakennari við HÍ á námsbraut í hjúkrunarfræði 1981-1984, settur aðjúnkt 1982-1984. Deildarstjóri við öldrunardeild Borgarspítala 1984-1986 og fræðslustjóri á Borgarspítalanum 1987-1992. Formaður Félags háskólamenntaðra hjúkrunarfræðinga 1989-1994 og formaður Félags íslenskra hjúkrunarfræðinga 1994-1999. Stundakennari við HÍ og HA síðan 1981. Framkvæmdastjóri Liðsinnis ehf. 2005. Í Stúdentaráði HÍ 1977-1979, varaformaður Vöku, félags lýðræðissinnaðra stúdenta við HÍ, 1979-1980. Í stjórn Félags háskólamenntaðra hjúkrunarfræðinga 1980-1982, í kjaranefnd Félags háskólamenntaðra hjúkrunarfræðinga 1987-1988. Í öldungaráði Bandalags háskólamanna 1984-1990, í stjórn Bandalags háskólamanna 1996-1998 og í miðstjórn Bandalags háskólamanna 1989-1999. Varaformaður Samtaka hjúkrunarfræðinga á Norðurlöndum 1996-1999. Í stjórn International Council of Nurses (ICN), alþjóðasamtaka hjúkrunarfræðinga, síðan 1999, varaformaður samtakanna 2001-2005. Í hjúkrunarráði 1996-1999. Í stjórn Lífeyrissjóðs hjúkrunarfræðinga síðan 1994, formaður stjórnar 1997, 1999, 2004 og 2006. Formaður nefndar um ritun sögu hjúkrunar á vegum Félags íslenskra hjúkrunarfræðinga frá 2000. Í stjórn heilbrigðis- og trygginganefndar Sjálfstæðisflokksins síðan 1990, formaður nefndarinnar 1991-1995 og 2004-2005. Í framkvæmdastjórn Sjálfstæðisflokksins frá 2005. Í miðstjórn Sjálfstæðisflokksins 1999-2003 og frá 2005. Í stjórn fulltrúaráðs Sjálfstæðisfélaganna í Reykjavík 2003-2006 og formaður Landssambands sjálfstæðiskvenna 2005-2007. Varamaður í tryggingaráði 1995-1999. Sat í nefnd á vegum landlæknis sem hanna skyldi mælitæki til að meta hjúkrunarálag á öldrunardeildum 1985. Vann að endurskoðun laga um sjúkraliða á vegum heilbrigðis- og tryggingaráðuneytis 1992-1994. Sat í nefnd um starfssvið og starfsleyfi sjálfstætt starfandi hjúkrunarfræðinga 1996. Í nefnd sem setja á heilbrigðisþjónustunni mælanleg markmið 1996, í nefnd um stefnumótun um hjúkrunarþjónustu í heilsugæslu 1997-1999 og í nefnd sem leita á leiða til að stemma stigu við ölvunarakstri frá 1999. Sat á vegum fjármálaráðuneytis í nefnd um endurskoðun á lífeyrisréttindum opinberra starfsmanna 1995-1996. Formaður nefndar á vegum menntamálaráðherra sem gerði úttekt á félags- og tómstundastarfi barna og ungmenna 2002-2003 og formaður nefndar um endurskoðun á æskulýðslögum 2004-2005. Varaformaður kvennanefndar Alþjóðaþingmannasambandsins 2002-2003. Í nefnd um endurskoðun á lögum um heilbrigðisþjónustu frá 2003 og í nefnd um endurskoðun á lyfjalögum 2004-2007. Í nefnd dómsmálaráðherra um mismunandi löggjöf um vændi, klámiðnað og mansal í Evrópu og sérstaklega af löggjöf í Svíþjóð sem gerir kaup á vændi refsiverð, en sölu refsilausa og meta kosti og galla þeirrar löggjafar 2005. Í stýrihóp Geðræktar frá 2000. Í varastjórn Verslunarráðs Íslands 2004-2005, Viðskiptaráðs Íslands 2005-2006. Í stjórn Liðsinnis ehf. 2001-2005. Alþingismaður Reykvíkinga 1999-2003, alþingismaður Reykjavíkurkjördæmis norður 2005-2007, alþingismaður Reykjavíkurkjördæmis suður 2007-2009 (Sjálfstæðisflokkur). Varaþingmaður Reykjavíkurkjördæmis norður október-desember 2003, febrúar-apríl og júlí 2004, október 2004 til febrúar 2005 og apríl 2005 (Sjálfstæðisflokkur). Allsherjarnefnd 1999-2003, heilbrigðis- og trygginganefnd 1999-2003 og 2005-2007 (formaður 2007), heilbrigðisnefnd 2007-2009 (formaður 2007-2009), umhverfisnefnd 1999-2003 og 2005-2007, fjárlaganefnd 2002-2003 og 2007-2009, efnahags- og viðskiptanefnd 2005-2007. Íslandsdeild Alþjóðaþingmannasambandsins 1999-2003 og 2005-2009 (formaður).
Hefur ritað ýmsar greinar um hjúkrun, heilbrigðismál og kjaramál í dagblöð og fagtímarit. |
