Tilkynningar
Reykingaafdrepi í Alþingishúsi lokað 1. júní
Reykingar hafa verið leyfðar í sérstöku loftræstu herbergi í Alþingishúsinu samkvæmt heimild í reglugerð.
Á fundi forsætisnefndar Alþingis í dag, hinum 500. frá því að Alþingi hóf að starfa í einni málstofu árið 1991, samþykkti nefndin eftir tillögu forseta Alþingis, Sturlu Böðvarssonar, að banna reykingar í Alþingishúsinu frá og með 1. júní næstkomandi.
Bannið nær til þinghússins, skrifstofubygginga Alþingis, Alþingisgarðsins og annars staðar á lóð þingsins.
Fréttamenn sem óska viðtals við forseta Alþingis, Sturlu Böðvarsson, um málið geta haft samband við skrifstofu Alþingis í síma 563 0500.