Fæddur á Hólmum í Reyðarfirði 3. september 1827, dáinn 29. maí 1888. Foreldrar: Gísli Brynjólfsson (fæddur 25. ágúst 1794, dáinn 26. júní 1827) prestur þar, bróðir Sigurðar Brynjólfssonar alþingismanns, og kona hans Guðrún Stefánsdóttir (fædd 15. júní 1799, dáin 8. mars 1890) húsmóðir. Maki (9. október 1855): Marie Nicoline Gerdtsen (fædd 28. september 1829, dáin 12. apríl 1900) húsmóðir. Foreldrar: Nicolaus Johan Mathias Gerdtsen og kona hans Birgitte Rosine Kristine Gerdtsen, fædd Greensteen.
Stúdentspróf Bessastöðum 1845. Hóf nám í málfræði í Hafnarháskóla 1845, en lauk ekki prófi.
Styrkþegi Árnasafns 1848—1874. Kennari í sögu Íslands og bókmenntum við Hafnarháskóla frá 1874 til æviloka.
Alþingismaður Skagfirðinga 1858—1864.
Orti kvæði og skrifaði bækur og greinar um íslenskar og skandinavískar fornmenntir.
