Alþingiskosningar 1926 – landskjör
Samkvæmt bráðabirgðaákvæði í stjórnarskránni frá 1920 lauk kjörtímabili þriggja landskjörinna þingmanna sem kjörnir höfðu verið á þing 1916 sumarið 1926. Fór því landskjör fram 1. júlí.
Aukalandskjör fór fram 23. október 1926 til að kjósa landskjörinn þingmann í stað aðal- og varamanns sem báðir voru fallnir frá.
Við landskjörið sumarið 1926 voru lagðir fram listar fimm stjórnmálahreyfinga: Alþýðuflokks, Framsóknarflokks, Frjálslynda flokksins, Íhaldsflokks og Kvennalista.
Þegar kom að aukalandskjöri um haustið voru framboðslistar aðeins tveir, listi Íhaldsflokksins og listi Framsóknarflokksins, og studdi Alþýðuflokkurinn þann síðarnefnda. Íhaldsflokknum vegnaði betur í kosningunum. Framboð hans hlaut 55,1% atkvæða og þingsætið sem kosið var um.
Um kosningarnar | ||
Kjördagur | 1. júlí 1926 | |
Mannfjöldi | 100.117 | |
Kjósendur á kjörskrá | 31.422 | |
Hlutfall kosningarbærra af heildarmannfjölda | 31,4% | |
Greidd atkvæði | 14.113 | |
Kosningaþátttaka | 44,9% | |
Hlutfall kjósenda af heildarmannfjölda | 14,1% | |
Kosningaþátttaka karla | 59,4% | |
Kosningaþátttaka kvenna | 34,3% | |
Kjörnir þingmenn | 3 | |
Kosningaúrslit – landskjörnir þingmenn 1. júlí 1922 | ||
Gild atkvæði | 13.947 | |
Íhaldsflokkur | 39,4% | 1 þingmaður |
Framsóknarflokkur | 25,0% | 1 þingmaður |
Alþýðuflokkur | 22,7% | 1 þingmaður |
Frjálslyndi flokkurinn | 9,4% | |
Kvennalisti | 3,5% |