Alþingiskosningar 2003
Kosið var í fyrsta skipti samkvæmt nýjum kosningalögum, nr. 24/2000, sem byggðust á stjórnarskrárbreytingu sem gerð var árið 1999. Kjördæmi voru sex í stað átta áður og Reykjavík var nú í fyrsta skipti í tveimur kjördæmum. Breytingin á kjördæmafyrirkomulaginu var hin veigamesta frá árinu 1959. Meðal nýmæla var að samkvæmt lögum nr. 24/2000 var heimilt að færa þingsæti milli kjördæma í næstu þingkosningum til að draga úr misvægi atkvæða. Þá var landskjörstjórn heimilt að færa til kjördæmamörk í Reykjavík og nágrenni til að jafna fjölda á kjörskrá í Reykjavíkurkjördæmunum.
Aftur var tekið að nota svokallaða d'Hondt-reglu við úthlutun kjördæmasæta sem ekki hafði verið beitt í því skyni síðan í þingkosningunum árið 1987.
Kjördæmasæti voru níu í öllum kjördæmum og kjördæmakjörnir þingmenn því 54. Tveir jöfnunarmenn voru í Reykjavíkurkjördæmunum og Suðvesturkjördæmi en einn í landsbyggðarkjördæmunum þremur. Markmiðið með úthlutun jöfnunarþingsæta var að tryggja að þingstyrkur flokka yrði í sem mestu samræmi við kjörfylgi þeirra. Ekki komu aðrir flokkar til greina við úthlutun jöfnunarþingsæta en þeir sem höfðu hlotið a.m.k. 5% atkvæða á landsvísu en ekki var gerð krafa um að framboð hefði hlotið kjördæmakjörinn þingmann til að eiga kost á jöfnunarþingsæti.
Sex stjórnmálasamtök buðu fram í öllum kjördæmum: Framsóknarflokkur, Frjálslyndi flokkurinn, Nýtt afl, Samfylkingin, Sjálfstæðisflokkur og Vinstrihreyfingin – grænt framboð. Fengu öll þessi framboð fulltrúa á Alþingi í kosningunum nema Nýtt afl.
Í Suðurkjördæmi var enn fremur boðinn fram listi óháðra, Framboð óháðra, sem fékk ekki kjörinn þingmann.
| Um kosningarnar | |||||
| Kjördagur | 10. maí 2003 | ||||
| Mannfjöldi | 288.471 | ||||
| Kjósendur á kjörskrá | 211.304 | ||||
| Hlutfall kosningarbærra af heildarmannfjölda | 73,0% | ||||
| Greidd atkvæði | 185.392 | ||||
| Kosningaþátttaka | 87,7% | ||||
| Hlutfall kjósenda af heildarmannfjölda | 64,3% | ||||
| Kosningaþátttaka karla | 87,2% | ||||
| Kosningaþátttaka kvenna | 88,3% | ||||
| Kjördæmakjörnir þingmenn | 54 | ||||
| Jöfnunarþingmenn | 9 | ||||
| Heildarfjöldi þingmanna | 63 | ||||
| Kosningaúrslit | |||||
| Gild atkvæði | 183.172 | ||||
| Sjálfstæðisflokkur | 33,7% | 22 þingmenn | |||
| Samfylkingin | 31,0% | 20 þingmenn | |||
| Framsóknarflokkur | 17,7% | 12 þingmenn | |||
| Vinstri hreyfingin – grænt framboð | 8,8% | 5 þingmenn |
|||
| Frjálslyndi flokkurinn | 7,4% | 4 þingmenn | |||
| Nýtt afl | 1,0% | ||||
| Framboð óháðra í Suðurkjördæmi | 0,5% | ||||
| Jöfnunarþingmenn | |||||
| Sjálfstæðisflokkur | 3 | ||||
| Frjálslyndi flokkurinn | 2 | ||||
| Samfylkingin | 2 | ||||
| Framsóknarflokkur | 1 | ||||
| Vinstrihreyfingin – grænt framboð | 1 | ||||
| Kjördæmi og þingmenn 2003 |
|
| Reykjavíkurkjördæmi suður | 11 þingmenn |
| Reykjavíkurkjördæmi norður | 11 þingmenn |
| Suðvesturkjördæmi | 11 þingmenn |
| Norðvesturkjördæmi | 10 þingmenn |
| Norðausturkjördæmi | 10 þingmenn |
| Suðurkjördæmi | 10 þingmenn |
| Þingmenn að loknum alþingiskosningum 10. maí 2003 | |
| Reykjavíkurkjördæmi suður | |
| Kjördæmakjörnir þingmenn | |
| 1. Geir H. Haarde | Sjálfstæðisflokkur |
| 2. Jóhanna Sigurðardóttir | Samfylkingin |
| 3. Pétur H. Blöndal | Sjálfstæðisflokkur |
| 4. Ásta R. Jóhannesdóttir | Samfylkingin |
| 5. Sólveig Pétursdóttir | Sjálfstæðisflokkur |
| 6. Jónína Bjartmarz | Framsóknarflokkur |
| 7. Mörður Árnason | Samfylkingin |
| 8. Guðmundur Hallvarðsson | Sjálfstæðisflokkur |
| 9. Ögmundur Jónasson | Vinstrihreyfingin – grænt framboð |
| Jöfnunarþingmenn | |
| 10. Ágúst Ólafur Ágústsson | Samfylkingin |
| 11. Birgir Ármannsson | Sjálfstæðisflokkur |
| Reykjavíkurkjördæmi norður | |
| Kjördæmakjörnir þingmenn | |
| 1. Össur Skarphéðinsson | Samfylkingin |
| 2. Davíð Oddsson | Sjálfstæðisflokkur |
| 3. Bryndís Hlöðversdóttir | Samfylkingin |
| 4. Björn Bjarnason | Sjálfstæðisflokkur |
| 5. Guðrún Ögmundsdóttir | Samfylkingin |
| 6. Guðlaugur Þór Þórðarson | Sjálfstæðisflokkur |
| 7. Halldór Ásgrímsson | Framsóknarflokkur |
| 8. Kolbrún Halldórsdóttir | Vinstrihreyfingin – grænt framboð |
| 9. Helgi Hjörvar | Samfylkingin |
| Jöfnunarþingmenn | |
| 10. Sigurður Kári Kristjánsson | Sjálfstæðisflokkur |
| 11. Árni Magnússon | Framsóknarflokkur |
| Suðvesturkjördæmi | |
| Kjördæmakjörnir þingmenn | |
| 1. Árni M. Mathiesen | Sjálfstæðisflokkur |
| 2. Guðmundur Árni Stefánsson | Samfylkingin |
| 3. Gunnar I. Birgisson | Sjálfstæðisflokkur |
| 4. Rannveig Guðmundsdóttir | Samfylkingin |
| 5. Siv Friðleifsdóttir | Framsóknarflokkur |
| 6. Sigríður A. Þórðardóttir | Sjálfstæðisflokkur |
| 7. Þórunn Sveinbjarnardóttir | Samfylkingin |
| 8. Þorgerður K. Gunnarsdóttir | Sjálfstæðisflokkur |
| 9. Katrín Júlíusdóttir | Samfylkingin |
| Jöfnunarþingmenn | |
| 10. Gunnar Örlygsson | Frjálslyndi flokkurinn |
| 11. Bjarni Benediktsson | Sjálfstæðisflokkur |
| Norðvesturkjördæmi | |
| Kjördæmakjörnir þingmenn | |
| 1. Sturla Böðvarsson | Sjálfstæðisflokkur |
| 2. Jóhann Ársælsson | Samfylkingin |
| 3. Magnús Stefánsson | Framsóknarflokkur |
| 4. Einar K. Guðfinnsson | Sjálfstæðisflokkur |
| 5. Guðjón A. Kristjánsson | Frjálslyndi flokkurinn |
| 6. Anna Kristín Gunnarsdóttir | Samfylkingin |
| 7. Kristinn H. Gunnarsson | Framsóknarflokkur |
| 8. Jón Bjarnason | Vinstrihreyfingin – grænt framboð |
| 9. Einar Oddur Kristjánsson | Sjálfstæðisflokkur |
| Jöfnunarþingmaður | |
| 10. Sigurjón Þórðarson | Frjálslyndi flokkurinn |
| Norðausturkjördæmi | |
| Kjördæmakjörnir þingmenn | |
| 1. Valgerður Sverrisdóttir | Framsóknarflokkur |
| 2. Halldór Blöndal | Sjálfstæðisflokkur |
| 3. Kristján L. Möller | Samfylkingin |
| 4. Jón Kristjánsson | Framsóknarflokkur |
| 5. Steingrímur J. Sigfússon | Vinstrihreyfingin – grænt framboð |
| 6. Tómas Ingi Olrich | Sjálfstæðisflokkur |
| 7. Einar Már Sigurðarson | Samfylkingin |
| 8. Dagný Jónsdóttir | Framsóknarflokkur |
| 9. Birkir Jón Jónsson | Framsóknarflokkur |
| Jöfnunarþingmaður | |
| 10. Þuríður Backman | Vinstrihreyfingin – grænt framboð |
| Suðurkjördæmi | |
| Kjördæmakjörnir þingmenn | |
| 1. Margrét Frímannsdóttir | Samfylkingin |
| 2. Árni R. Árnason | Sjálfstæðisflokkur |
| 3. Guðni Ágústsson | Framsóknarflokkur |
| 4. Lúðvík Bergvinsson | Samfylkingin |
| 5. Drífa Hjartardóttir | Sjálfstæðisflokkur |
| 6. Hjálmar Árnason | Framsóknarflokkur |
| 7. Björgvin G. Sigurðsson | Samfylkingin |
| 8. Guðjón Hjörleifsson | Sjálfstæðisflokkur |
| 9. Magnús Þór Hafsteinsson | Frjálslyndi flokkurinn |
| Jöfnunarþingmaður | |
| 10. Jón Gunnarsson | Samfylkingin |
