Ferill 405. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 843 — 405. mál.
Svar
félags- og barnamálaráðherra við fyrirspurn frá Guðmundi Inga Kristinssyni um endurgreiðslur vegna ólögmætra skerðinga á ellilífeyri.
1. Hverjar voru mánaðarlegar greiðslur úr skyldubundnum atvinnutengdum lífeyrissjóðum til þeirra sem fengu endurgreiðslu frá ríkissjóði, á grundvelli dóms Landsréttar í máli nr. 466/2018, á því tímabili sem ellilífeyrir þeirra var skertur með ólögmætum hætti? Óskað er eftir upplýsingum um meðaltekjur hópsins, miðgildi tekna og hve margir voru með tekjur á bilinu 0–100.000 kr. á mánuði, 100.000–200.000 kr. á mánuði o.s.frv.
Í töflu 1 má sjá mánaðarlegar greiðslur úr skyldubundnum atvinnutengdum lífeyrissjóðum til þeirra sem fengu endurgreiðslu frá ríkissjóði á grundvelli dóms Landsréttar í máli nr. 466/2018, í janúar og febrúar 2017. Í töflunni kemur fram fjöldi þeirra einstaklinga sem um ræðir, mánaðarlegar greiðslur úr lífeyrissjóðum skipt niður á tekjubil ásamt miðgildi og meðaltali teknanna.
Taka ber fram að lífeyrissjóðstekjur einstaklinga geta í einhverjum tilfellum verið mismunandi háar á milli mánaða og ekki allir sem áttu rétt á greiðslum eða hærri greiðslum í þeim mánuðum sem um ræðir. Eru tölur í töflunni settar fram með þessum fyrirvara.
| Lífeyrissjóðstekjur á mánuði í janúar og febrúar 2017. Flokkað í upphæðabil. | Fjöldi með endurgreiðslu eftir dóm Landsréttar nr. 466/2018, flokkað eftir fjárhæðum tekna úr skyldubundnum lífeyrissjóðum í janúar og febrúar 2017. |
| 0–100 þús. kr. | 10.591 |
| 100–200 þús. kr. | 9.114 |
| 200–300 þús. kr. | 4.495 |
| 300–400 þús. kr. | 2.382 |
| 400–500 þús. kr. | 1.539 |
| 500–600 þús. kr. | 757 |
| 600 þús. kr. og hærra | 1.032 |
| Fjöldi með endurgreiðslu | 29.900 |
| Miðgildi lífeyrissjóðstekna á mán. kr. | 129.981 |
| Meðaltal lífeyrissjóðstekna á mán. kr. | 181.670 |
Tafla 1. Mánaðarlegar greiðslur úr skyldubundnum atvinnutengdum lífeyrissjóðum í janúar og febrúar 2017 til þeirra sem fengu endurgreiðslu frá ríkissjóði. Meðaltal og miðgildi lífeyrissjóðstekna.
2. Hvernig skiptast endurgreiðslur ríkissjóðs vegna dóms Landsréttar eftir tekjuhópum eins og þeir eru tilgreindir í 1. tölul.?
Í töflu 2 kemur fram hvernig endurgreiðslur ríkissjóðs vegna dóms Landsréttar skiptast eftir tekjuhópum eins og þeir eru tilgreindir í 1. tölul. Einnig er sýnt meðaltal endurgreiðslu eftir sömu tekjuskiptingu.
Hér er efni sem sést aðeins í pdf-skjalinu.
Tafla 2. Skipting endurgreiðslna ríkissjóðs eftir tekjuhópum og meðaltal endurgreiðslu.
Upplýsingar sem birtar eru í svari þessu eru fengnar frá Tryggingastofnun ríkisins. Stofnunin hefur ekki lokið við útreikninga og greiðslur til dánarbúa þeirra sem kunna að eiga rétt á endurgreiðslum eftir dóm Landsréttar og eru þær væntanlegu greiðslur því ekki taldar með í töflu 1 og 2.
