Atvinnuveganefnd Alþingis heldur opinn fund þriðjudaginn 20. október til að fjalla um ráðstöfun 5,3% aflaheimilda sem tekin eru til hliðar til að efla atvinnu og byggð í landi. Gestur fundarins verður Eyjólfur Ármannsson innviðaráðherra.

Forsætisnefnd Alþingis hélt árlegan vinnufund á Egilsstöðum og Breiðdalsvík 2. og 3. september. Hefð er fyrir því að forsætisnefnd komi saman til lengri vinnufundar áður en nýtt löggjafarþing kemur saman og eru fundirnir að jafnaði haldnir til skiptis í kjördæmum landsins.

Nefndadagar verða samkvæmt starfsáætlun Alþingis fimmtudaginn 28. maí og föstudaginn 29. maí.

Efnahags- og viðskiptanefnd Alþingis heldur opinn fund fimmtudaginn 21. maí til að fjalla um skýrslu fjármálastöðugleikanefndar Seðlabanka Íslands til Alþingis fyrir árið 2025. Gestir fundarins verða Ásgeir Jónsson seðlabankastjóri og Tómas Brynjólfsson varaseðlabankastjóri fjármálastöðugleika.

Nefndadagar verða samkvæmt starfsáætlun Alþingis mánudaginn 18. maí og þriðjudaginn 19. maí. 

Umhverfis- og samgöngunefnd Alþingis heldur opinn fund mánudaginn 18. maí til að fjalla um stöðu samgangna til Vestmannaeyja og nauðsyn ferjuáætlunar. Gestur fundarins verður Eyjólfur Ármannsson innviðaráðherra.

Nefndadagar verða samkvæmt starfsáætlun Alþingis, mánudaginn 4. maí, þriðjudaginn 5. maí og miðvikudaginn 6. maí.

Forseti Alþingis tilkynnti við upphaf þingfundar 27. apríl um breytingar á starfsáætlun. Samkvæmt starfsáætlun Alþingis eru mánudagurinn 18. maí og þriðjudagurinn 19. maí þingfundadagar. Nú hefur hinsvegar verið ákveðið að hafa nefndadaga báða þá daga. Miðvikudagurinn 20. maí er og verður þingfundadagur. Samkvæmt starfsáætlun eru fimmtudagurinn 21. maí og föstudagurinn 22. maí nefndadagar. Nú hefur verið ákveðið að hafa þingfundi báða þá daga.

Allsherjar- og menntamálanefnd Alþingis heldur opinn fund fimmtudaginn 30. apríl til að fjalla um áform um skipulagsbreytingu á framhaldsskólastiginu. Gestur fundarins verður Inga Sæland, mennta- og barnamálaráðherra.