Mánudaginn 18. febrúar tekur Álfheiður Eymarsdóttir sæti á Alþingi sem varamaður fyrir Smára McCarthy og mun sitja á þingi í eina viku.

Mánudaginn 18. febrúar tekur Guðmundur Ingi Kristinsson sæti á ný á Alþingi og víkur þá varamaður hans, Jónína Björk Óskarsdóttir af þingi.

Miðvikudaginn 13. febrúar tekur Ólafur Þór Gunnarsson sæti á ný á Alþingi og víkur þá varamaður hans Una Hildardóttir af þingi.

Kjördæmadagar eru 11.-14. febrúar og eru því engir þingfundir á Alþingi þessa vikuna. Kjördæmadagana nýta þingmenn til að fara út í kjördæmi sín og hitta kjósendur, sveitarstjórnafólk, fulltrúa fyrirtækja og fleiri. Næsti þingfundur verður haldinn mánudaginn 18. febrúar samkvæmt starfsáætlun Alþingis.

Forseta Alþingis, Steingrími J. Sigfússyni, hefur borist bréf frá formanni þingflokks Samfylkingarinnar, Oddnýju Harðardóttur, þess efnis að Ágúst Ólafur Ágústsson, 3. þm. Reykjavíkurkjördæmis suður, hafi óskað eftir veikindaleyfi.

Fimmtudaginn 7. febrúar tekur Einar Kárason sæti á Alþingi sem varamaður fyrir Ágúst Ólaf Ágústsson og víkur þá Jóhanna Vigdís Guðmundsdóttir af þingi sem varamaður.

Miðvikudaginn 6. febrúar tekur Jónína Björk Óskarsdóttir sæti á Alþingi sem varamaður fyrir Guðmund Inga Kristinsson.

Miðvikudaginn 6. febrúar tekur Una Hildardóttir sæti á Alþingi sem varamaður fyrir Ólaf Þór Gunnarsson.

Mánudaginn 4. febrúar taka Guðlaugur Þór Þórðarson og Þórunn Egilsdóttir sæti á ný á Alþingi og víkja þá varamenn þeirra, Albert Guðmundsson og Þórarinn Ingi Pétursson, af þingi.