um fundarstjórn.

Virðulegur forseti. Ég þakka fyrir góða fundarstjórn á fundinum og það góða samkomulag sem hér hefur verið. Nú er komið fram á kvöld og var út af fyrir sig samkomulag um að funda eitthvað fram eftir degi, en nú hafa verið boðaðir nefndarfundir snemma í fyrramálið og fram undan á morgun er mikilvægasta og þýðingarmesta umræða á þingi á hverju ári, 2. umr. fjárlaga sem gefinn er sérstaklega góður tími. Það er auðvitað mikið af gögnum, m.a. nýjum gögnum sem þingmenn þurfa að kynna sér áður en að þeirri umræðu kemur. Mig fýsir því að vita hjá forseta hversu lengi ætlunin er að halda umræðum áfram í kvöld.