meðferð krónueigna sem háðar eru sérstökum takmörkunum og gjaldeyrismál.
Herra forseti. Ég tek undir með hv. þingmanni. Svo virðist vera að vogunarsjóðir vinni svipað og hýenuhópur, þ.e. þeir leiti uppi veikasta hlekkinn í hjörðinni, þann sem dregst aftur úr, og ráðast á hann með alkunnum afleiðingum. Og einhvern veginn dettur manni í hug eða það flökrar að manni að stjórnvöld og Seðlabankinn sérstaklega hafi ekki áttað sig á því við hverja var að eiga. Það vissu þeir sem höfðu staðið í þessari baráttu allt frá 2015 og boðið mönnum upp á kylfu og gulrót, menn vissu að það var ekkert annað sem dygði til þess að koma vogunarsjóðum á rétta braut. Það er engu líkara en að Seðlabankinn sérstaklega og ríkisstjórnin öll sem nú situr og 10 mánaða ríkisstjórnin líka reyndar, hafi bara gjörsamlega farið á taugum og lyppast niður við fyrstu mótbárur.
