meðferð krónueigna sem háðar eru sérstökum takmörkunum og gjaldeyrismál.

Hæstv. forseti. Jú, ég er algjörlega sammála þingmanninum og þakka honum fyrir þetta andsvar. Maður vill fá meiri upplýsingar áður en ákvörðun er tekin. Það kom fram áðan í ræðu hv. þm. Sigmundar Davíðs Gunnlaugssonar að það lýsti varla miklu stolti hvað umræðan í þessu máli hefur verið snubbótt þangað til að við tókum þetta mál upp í dag í okkar þingflokki, Miðflokknum. Sá tími sem umræðan hafði fengið var teljandi í mínútum. Það væri eitthvað lítið um stolt og kannski töluvert um óbragð eða hálfgerðan móral yfir því að þetta hlyti skemmri skírn.